Qaradağ rayonunda qanunsuz ət kəsimi və satışının qarşısının alınması məqsədi ilə monitorinqlər keçirilmişdir

17 sentyabr 2021 | 11:00

17 sentyabr 2021-ci ildə Qaradağ Rayon İcra Hakimiyyəti, Qida Təhlükəsizliyi Agentliyi, Gigiyena və Epidemiologiya Mərkəzi və Qaradağ Rayon Polis İdarəsinin əməkdaşları əhalinin qida təhlükəsizliyinin təmin olunması istiqamətində birgə monitorinqlər keçirmişdir.
Rayonun Lökbatan və Sahil qəsəbələrində ət kəsimi və satış məntəqələrindəki baytarlıq sanitariya vəziyyəti, sanitar-gigiyena normalarına əməl edilməsi halları yerində araşdırılmışdır.
Araşdırma nəticəsində 28 ət kəsimi və satışı ilə məşğul olan sahibkarlıq subyektlərindəki qanun pozuntuları və antisanitar vəziyyətin aradan qaldırılması üçün kəsim və satış yerlərinin sahiblərinə xəbərdarlıqlar edilmiş, ciddi nöqsanlar aşkar olunan məntəqələrdə qanunamüvafiq qaydada protokollar və cərimələr tətbiq edilmişdir.
Əhalinin qida təhlükəsizliyinin təmin olunması üçün monitorinqlər davam edəcək və vəziyyət nəzarətdə saxlanılacaqdır.

Keçidlər