AZƏRBAYCAN RESPUBLİKASI
QARADAĞ RAYON
İCRA HAKİMİYYƏTİ

10  May  2022-ci  il  tarixində  Qaradağ İcra Hakimiyyətinin dəstəyi ilə Təhsil  Nazirliyi  yanında  Peşə  Təhsili  üzrə  Dövlət  Agentliyi, Tikinti  və  Quraşdırma  İşləri  üzrə  Bakı  Dövlət  Peşə  Təhsil  Mərkəzi və  Qızıldaş  qəsəbə  Mədəniyyət  Mərkəzinin  birgə  təşkilatçılığı  ilə  Qızıldaş  qəsəbə  Mədəniyyət  Mərkəzində  Azərbaycan  Respublikasının  Ümummilli  Lideri  Heydər  Əliyevin  99-cu  ildönümünə  həsr  olunmuş  “Xarı  Bülbülün  ikinci  Baharı”  adlı  tədbir keçirildi.
Tədbirdə  Qaradağ Rayon İcra Hakimiyyəti başçısının müavini Təranə İsmayılova, Qızıldaş qəsəbə Mədəniyyət Mərkəzinin direktoru Rüfət Məmmədov, Tikinti  və  Quraşdırma  İşləri  üzrə  Bakı  Dövlət  Peşə  Təhsil  Mərkəzinin direktoru Elgün Kazımov, Peşə  Təhsil  Mərkəzinin  pedaqoji  heyyəti,  kollektivi və  digər  qonaqlar  iştirak  etdi.
Tədbir  Azərbaycan  Respublikasının  Dövlət  Himni  ilə  başlandı. Şəhidlərimizin  əziz  xatirəsi  1  dəqiqəlik  sükütla  yad  edildi.
Tədbirdə Qaradağ Rayon İcra Hakimiyyəti başçısının müavini Təranə İsmayılova, Peşə  Təhsil  Mərkəzinin  rəhbəri  və  digər  qonaqlar  çıxış  edərək, Heydər  Əliyevin  müasir  Azərbaycan  Respublikasının  qurucusu  kimi  göstərdiyi  əvəzolunmaz  xidmətlərini  tədbir  iştirakçılarının  diqqətinə  çatdırdılar.
Tədbirdə  Ulu  öndər  Heydər  Əliyevin  həyat  və  fəaliyyətini  əks  etdirən videoçarx  nümayiş etdirildi.
“Xarı  Bülbülün   ikinci  Baharı”  adlı  tədbir  görkəmli  sənətkarımız  Şəmistan  Əlizamanlı, müğənni  Çinarə  Məlikzadə  və  digər  incəsənət  nümayəndələrinin  ifası  ilə  davam  etdirildi.
Sonda, Şəmistan Əlzamanlı, Çinarə Məlikzadə və Mehman Mayılxanlı, yeniyetmələr, gənclər və böyüklər arasında keçirilən turnirdə fəal iştirak edən Qızlıdaş qəsəbə Mədəniyyət Mərkəzinin tabeliyində fəaliyyət göstərən “Xankəndi” idman klubunun iştirakçıları “Təşəkkürnamə” ilə təltif edildilər.