Gənc rəssamla görüş

11 dekabr 2017 | 11:00

11 dekabr 2017-ci il tarixində Yeni Azərbaycan Partiyası Qaradağ rayon təşkilatının bir qrup fəal qadın və gəncləri Qaradağ rayon sakini, 20 yaşlı gənc rəssam, 1-ci qrup əlil olan İlkin Əliyevin evində olmuşlar.
Gənc rəssamla görüşən Yeni Azərbaycan Partiyası Qaradağ rayon təşkilatının üzvləri onunla maraqlı söhbətlər aparmış və onun əl işləri ilə tanış olmuşlar. Gənc rəssam öz yaradıcılığından danışarkən, ona baş çəkən qonaqlara gələcək planları haqqında danışmışdır.
Məhdud imkanlı gəncin əl işləri qonaqları valeh etmiş və onu ziyarətə gələnlər gələcək fəaliyyətində ona uğurlar diləmişlər.
Görüşün sonunda gənc rəssama mənəvi dəstək göstərən qonaqlar ona yaradıcılığının davam etdirilməsi üçün maddi yardım da etmişlər.

Keçidlər