Home Contact Phone
background
  • Ünvan: AZ1063, Bakı şəhəri, Lökbatan qəsəbəsi, S.Orucov küçəsi, 9
  • Faks: (+994 12) 445 58 08
  • E-mail: mail@qaradagh.gov.az

Xəbərlər

  • Lökbatan qəsəbəsində relyefin çökək hissə...

    Lökbatan qəsəbəsində relyefin çökək hissəsində qrunt və yağış sularının, ümumilikdə atmosfer yağıntılarının toplanması məsələsinin müzakirəsi üzrə onlayn müşavirə keçirilmişdir

    2020-11-25

    25.11.2020-ci il tarixində Qaradağ Rayon İcra Hakimiyyətinin təşkilatçılığı ilə 16-17 noyabr 2020-ci il tarixində Abşeron yarımadasına və Bakı şəhərinə yağan intensiv leysan yağışları nəticəsində Binəqədi rayonunun Xocasən qəsəbəsində gölün səviyyəsinin qalxması, eyni zamanda həmin qəsəbəyə yaxın ərazilərdə və Lökbatan qəsəbəsində relyefin çökək hissəsində qrunt və yağış sularının, ümumilikdə atmosfer yağıntılarının toplanması məsələsinin müzakirəsi üzrə onlayn müşavirə keçirilmişdir.

  • Qaradağda mobil işçi qruplar tərəfindən keç...

    Qaradağda mobil işçi qruplar tərəfindən keçirilən reydlər gücləndirilmişdir

    2020-11-24

    24 noyabr 2020-ci il tarixdə Qaradağ Rayon İcra Hakimiyyətinin, Rayon Polis İdarəsinin, rayon Prokurorluğunun, Dövlət Təhlükəsizlik Xidmətinin rayon İdarəsinin, Bələdiyyənin, Sahə İnzibati Ərazi Nümayəndəliklərinin, fəal gənclər və könüllülərin daxil olduğu mobil qrupların üzvləri tərəfindən keçirilən növbəti reydlər zamanı marketlərdə, bazarlarda, apteklərdə və digər ictimai-iaşə obyektlərində onların qarşıya qoyulmuş tələb ilə fəaliyyət göstərməsi yoxlanılmış, xidməti heyəti ilə maarifləndirici söhbətlər aparılmış və pandemiyaya qarşı mübarizədən irəli gələn tələb və tövsiyələr izah olunmuşdur.

  • Qaradağ rayonunun Lökbatan qəsəbəsində “Ab...

    Qaradağ rayonunun Lökbatan qəsəbəsində “Abad məhəllə” layihəsi üzrə işlər davam etdirilir.

    2020-11-24

    Rayonun bütün qəsəbələrində əhalinin asudə vaxtının təşkili və səmərəli istirahətinin təmin edilməsi üçün abad məhəllənin salınması üçün yerlər ayrılır. Hazırda isə Lökbatan qəsəbəsinin D.Bünyatzadə küçəsində 14, 14a və 14b binalarının həyətində növbəti abad məhəllələrin tez bir zamanda istifadəyə verilməsi üçün işlər gedir. Rayon ərazisində salınan abad məhəllələr Heydər Əliyev Fondunun təşəbbüsü ilə salınır. Ətraf ərazilər abadlaşdırılır, yeni yaşıllıq zolaqları salınır, abad məhəllədə kölgəliklər və uşaq meydançaları quraşdırılır. Ətrafda olan çoxmərtəbəli yaşayış binaların fasadları və giriş qəfəsləri təmir edilir. Şüşələnmə və boyaq işləri görülür, binaların həyətində asfalt örtüyü salınır və küçə işıqları quraşdırılır. Binaların dam örtüyü də yenilənir. Hal-hazırda salınan abad məhəllələri qısa zamanda əhalinin istifadəsinə verilməsi planlaşdırılır.

  • Xüsusi kimyəvi maddələrlə gücləndirilmiş d...

    Xüsusi kimyəvi maddələrlə gücləndirilmiş dezinfeksiya işləri həyata keçirilib

    2020-11-22

    Koronavirus pandemiyası ilə mübarizədə əhalinin sağlamlığının qorunması, infeksiyanın yayılmasının və onun törədə biləcəyi fəsadların qarşısının alınması ilə bağlı Prezident İlham Əliyevin tapşırıq və göstərişlərinə, Nazirlər Kabineti yanında Operativ Qərargahın tələb və tövsiyələrinə uyğun olaraq Qaradağ Rayon İcra Hakimiyyəti tərəfindən rayonda koronovirus (COVID-19) pandemiyasına qarşı mübarizənin daha da genişləndirilməsi məqsədi ilə rayonun bütün qəsəbələrində həyata keçirdiyi tədbirlər davam edir.

  • Qaradağ rayonunun qəsəbələrində tibbi qoruyu...

    Qaradağ rayonunun qəsəbələrində tibbi qoruyucu maskalar paylanmış və pandemiya dövründəki davranış qaydaları barədə ictimai maarifləndirmə işləri aparılmışdır

    2020-11-22

    Koronavirus (COVID-19) pandemiyasına qarşı aparılan genişmiqyaslı mübarizə tədbirlərinə dəstək verilməsi və sosial həmrəylik nümayiş etdirilməsi məqsədilə könüllülərinin tərəfindən növbəti dəfə noyabr ayının 22-də Qaradağ rayonunun qəsəbələrində tibbi qoruyucu maskaların geyinilməsi yoxlanılmış və pandemiya dövründəki davranış qaydaları barədə ictimai maarifləndirmə işləri aparılmışdır.

  • Müzəffər Ali Baş Komandana xalq sevgisi sonsuz...

    Müzəffər Ali Baş Komandana xalq sevgisi sonsuzdur

    2020-11-21

    Cənab İlham Əliyev hər zaman xalqın yanında olan Prezidentdir. Bütün dövrlərdə və yaşanan hadisələrdə Ölkə başçımız, Prezidentimiz cənab İlham Əliyevin seçimi xalqın yanında olmaqdan ibarət olub. Bu dəfə də ölkə başçısı bütün təhlükələrə rəğmən Füzuli və Cəbrayıl rayonlarına səfər etdi və öz qələbə sevincini xalqla bölüşdü. Prezident İlham Əliyevin “Biz birlikdə güclüyük” şüarı bu gün xalqın qalib ruhunun güzgüsüdür. Xalqın orduya inamı və dəstəyi, həmçinin ölkədə yaşanan milli və siyasi həmrəylik yaşadığımız qələbənin ideoloji əsasıdır. Birliyə dəvət edən Prezident xalqın dəmir yumruq kimi birləşməsinin əsas səbəbidir. Xöşbəxtəm ki, Azərbaycanlıyam! Xöşbəxtəm ki, Azərbaycan xalqının qələbəsində mənim də kiçik bir payım var!

  • Xalq sevgisini əbədi qazanan Prezident

    Xalq sevgisini əbədi qazanan Prezident

    2020-11-21

    Azərbaycan bir daha dünyaya yeni formatda yeni birlik göstərdi. Xalq iqtidar birliyinə nail olmayaq istəyən istənilən ölkə iqtidarı Azərbaycan Prezidenti, Ali Baş Komandan Cənab İlham Əliyevin siyasi fəaliyyətini öyrənməli və onun təcrübəsindən bəhrələnməlidir! Yaşasın Ali Baş Komandan! Yaşasın Azərbaycan Ordusu! Qələbə bizimdir! Qarabağ Azərbaycandır!

  • Fəxr edirəm ki, Azərbaycan əsgəriyəm

    Fəxr edirəm ki, Azərbaycan əsgəriyəm

    2020-11-21

    Mən Müzəffər Ali baş Komandanın rəhbərlik etdiyi Ordunun əsgəriyəm. Vətən müharibəsi başlayan kimi könüllü olaraq yenidən cəbhəyə yollandım. Vətən uğrunda gedən döyüşlərdə iştirak etdim. Mən bizim ordumuzun Şanlı Qələbə tarixinin yazılmasının şahidi olduğum üçün qürur duyuram. 30 illik davam edən siyasi danışıqlar heç bir nəticə vermədi. Bununla yanaşı Ermənistan Baş Naziri Qarabağda at oynadır, bütün dünyaya “Qarabağ Ermənistandır nöqtə” deyərək bizim hisslərimizlə oynayırdı. Ali baş Komandan bütün mülahizələrə nöqtə qayaraq, “Qarabağ Azərbaycandır Nida” şüarı bizim ordumuzun adını hərb tarixinə qızıl hərflərlə yazdı. 44 gün davam edən müharibə bitdi, Azərbaycan Qalib gəldi. Ölkə başçımız, Prezident cənab İlham Əliyevin ölkənin birinci xanımı ilə birgə işğaldan azad olunmuş ərazilərə səfəri qələbənin rəsmiləşdirilməsi deməkdir. Hər bir vətəndaş kimi, biz əsgərlər də bu səfəri sevinc göz yaşları ilə izlədik. Bu müharibədə keçdiyim Goran, Fizuli, Qubadlı, Cəbrayıl və Zəngilan uğunda gedən döyüşlərdə əsgərlərimizin gəhrəmanlıqları göz önümdədir. Mənimlə çiyin-çiyinə döyüşən əsgər yoldaşlarım hərə bir qəhrəmandır. Qəhrəmancasına həlak olmuş öz əsgər yoldaşlarımın məzarını ziyarət etək ilk işimiz olacaq. Hər bir şəhidimizin qəbri önündə hesabat verib, bildirəcəyik ki, Ali Baş Komandanın rəhbərliyi ilə Qalib gəldik, qanın yerdə qalmadı şəhidim!

  • Müzəffər Ali Baş Komandana müraciət

    Müzəffər Ali Baş Komandana müraciət

    2020-11-21

    Möhtərəm Cənab Prezident Mən bir Azərbaycan vətədaşı olaraq çox sevinirəm ki, sizin kimi müdrük, uzaqgörən siyasi liderin rəhbəriyi ilə Azərbaycanın Şanlı Ordusunun tarixinə qızıl hərflərlə yazılan Böyük Qələbənin şahidiyəm. Sizin rəhbərliyiniz altinda ölkəmizdə olduqca böyük işlər görülmüş, dünyaya səs salmış müzəffər ordu quruculuğu işləri aparılmışdır. Əldə etdiyimiz qələbə Sizin titanik əməyinizin nəticəsidir. Nizamlı Orudumuz Sizin Şah əsərinizdir. Siz Ulu Öndər Heydər Əliyevin layiqli davamçısı və onun rəhbərliyi altında yazılmış inkişaf strategiyasını bu günün tələblərinə uyğun modernləşdirib, Azərbaycanı dünyaya güclü ölkə, etibarlı tərəfdaş və söz sahibi olan ölkə kimi tanıtdınız.

  • Fəxr edirəm ki, Azərbaycanlıyam

    Fəxr edirəm ki, Azərbaycanlıyam

    2020-11-21

    Bu gün prezidentə müraciət edərək, bildirmək istəyirəm ki, Xalqımızın Milli Qəhrəmanı Ali Baş Komandan uşaqdan böyüyədək, gənc nəsildən yaşlı nəsilədək sevilən Prezidentimiz cənab İlham Əliyev, xalq sizinlədir. Eşq olsun Azərbaycan xalqına, eşq olsun Ali Baş Komandanımıza Qarabağ Azərbaycandır!

  • Qaradağ Rayon İcra Hakimiyyətində Koronavirusl...

    Qaradağ Rayon İcra Hakimiyyətində Koronavirusla Mübarizə Qərargah üzvlərinin fəaliyyəti

    2020-11-21

    rayonun bütün qəsəbələrində xəbərdarlıq elanları vurulmuşdur. Elanlarda COVID – 19 koronovirus infeksiyasına yoluxmuş və ev şəraitində müalicə alan şəxslərin (onların ailə üzvlərinin) nəzərinə çatdırılmışdır ki, Nazirlər Kabinetinin müvafiq qərarına əsasən ciddi karantin rejimini və qaydaları pozaraq evlərini tərk etdikləri halda Cinayət Məcəlləsinin 139.1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət məsuliyyətinə cəlb ediləcək və iki min beş yüz manatdan beş min manatadək (2 500 – 5 000) miqdarda cərimə və ya üç (3) ilədək müddətə azadlıqdan məhrum etmə cəzası veriləcəkdir. Bu kateqoriya vətəndaşlardan xahiş edilir ki, qanunlara riayət etsinlər. Bütün rayon sakinlərinə müraciət olunaraq, COVID – 19 koronovirus infeksiyasına yoluxmuş şəxslərin və onların ailə üzvlərinin evlərini tərk etdiyini gördükləri an dərhal Daxili İşlər Nazirliyinin 102 qaynar xətt xidmətinə zəng etməkləri xahiş edilmişdir.

  • Yeni Azərbaycan Partiyasının yaradılmasının ...

    Yeni Azərbaycan Partiyasının yaradılmasının 28-ci ildönümü münasibətilə Qaradağ rayonunda onlayn konfrans keçirilib

    2020-11-20

    Yeni Azərbaycan Partiyasının (YAP) yaradılmasının 28-ci ildönümü münasibətilə Qaradağ rayonunda onlayn konfrans keçirilib. Onlayn konfransı giriş sözü ilə açan YAP Siyasi Şurasının üzvü, YAP İcra Katibliyinin təşkilat şöbəsinin müdiri, YAP Qaradağ Rayon Təşkilatının sədri, Millət vəkili Aydın Hüseynov əvvəlcə Yeni Azərbaycan Partiyasının qurucusu, müasir Azərbaycanın banisi Ulu öndər Heydər Əliyevin Azərbaycan tarixindəki misilsiz xidmətlərindən danışıb. Tədbirdə çıxış edən Qaradağ Rayon İcra Hakimiyyətinin başçısı Süleyman Mikayılov ilk öncə konfrans iştirakçılarını 44 günlük vətən müharibəsinin Azərbaycanın tam qələbəsi və Ermənistanın kapitulyasiyası ilə nəticələnməsi münasibəti ilə təbrik etdi. Vətən uğrunda şəhid olmuş əsgərlərin ruhu bir dəqiqəlik sükutla yad edildi. Daha sonra çıxış edən rayon icra hakimiyyətinin başçısı Süleyman Mikayılov bildirdi ki, Azərbaycan Respublikasının Prezidenti, Ermənistan Respublikasının Baş naziri və Rusiya Federasiyasının Prezidentinin bəyanatı sentyabrın 27-dən Azərbaycan Ordusunun zəfər yürüşü nəticəsində yaranmış reallığa uyğun hazırlanıb və bu bəyanat Ermənistanın kapitulyasiya aktıdır. Bu proses çərçivəsində Naxçıvan da blokadadan azad olundu. Hələ 1990-cı illərdə münaqişə başlayandan sonra Azərbaycanın əsas hissəsi ilə Naxçıvan MR arasında quru yolla əlaqənin olmaması böyük çətinliklər yaradırdı. İlk dəfə olaraq Azərbaycanın əsas hissəsinin Ermənistan ərazisindən qısa yolla Naxçıvanla əlaqəsi yaradılır. Əldə olunmuş bütün uğurlar Ulu Öndərin rəhbərliyi altında hazırlanmış düzgün strategiya, Ümummilli Liderin layiqli davamçısı, Zati Aliləri, Müzəffər Ali Baş Komandan cənab İlham Əliyev uğurlu diplomatiyasının və titanik əməyinin nəticəsidir. Süleyman Mikayılov Ulu Öndərin sözlərini xatırlayaraq bildir ki, bu gün Azərbaycan bütün dünyaya “günəş kimi doğdu”. Bu gün beynəlxalq aləmə göstərildi ki, həm diplomatik danışıqlarda, həm hərb meydanında Azərbaycan öz sözünü deyən ölkədir. 30 illik danışıqlar nəticəsində işğal etdiyi torpaqları boşaltmayan Ermənistan hərb meydanında uduzdu.

  • Heydər Əliyev: "Gün gələcək, Azərbayca...

    Heydər Əliyev: "Gün gələcək, Azərbaycan dünyaya günəş kimi doğacaq"

    2020-11-20

    28 ildir qət edilən bu şərəf və qürurlu yol müasir, müstəqil Azərbaycanın bugünkü reallıqlarıdır. O reallıqlar ki, Azərbaycan bu gün regionun aparıcı qüvvəsi, dünya birliyinin fəal üzvüdür. Azərbaycan bu gerçəkliklərə əsaslanaraq yeni-yeni hədəflərə doğru uğurla, inamla addımlayır. Ümummilli Liderimiz, Ulu Öndər Heydər Əliyevlə başlanan bu yol daha xoşbəxt sabaha özü demiş, günəş kimi işıq saçacaq. Müstəqil Azərbaycanın memarı və qurucusu Heydər Əliyevin adı Azərbaycanın özü qədər əbədi olacaq, onun ideyaları gələcək yollarımıza daim nur ələyəcəkdir. Və nə qədər müstəqil Azərbaycanımız yaşayır, Azərbaycanla dahi Heydər Əliyevin adı da qoşa çəkiləcək. Müstəqil Azərbaycan dövlətinin banisi, bu dövləti inkişaf və tərəqqi yoluna çıxaran bir tarixi şəxsiyyət kimi, tarixin özünü yaradan bir insan kimi gələcək nəsillər də daim onunla fəxr edəcək, milli qürurumuz olaraq daim qəlbimizdə yaşayacaqdır.

  • Yeni Azərbaycan Partiyası dünənin, bu günün ...

    Yeni Azərbaycan Partiyası dünənin, bu günün və sabahın partiyasıdır

    2020-11-20

    28 illik zəngin və şərəfli inkişaf yoluna malik olan Yeni Azərbaycan Partiyası ötən müddət ərzində ümumxalq partiyasına çevrilərək möhtəşəm nailiyyətlər əldə etmişdir.Bugünkü nailiyyətlərimiz,bugünkü uğurlarımız,bugünkü iqtisadi,siyasi sahədə əldə etdiyimiz qələbəmiz,ordumuzun əldə etdi qələbələr əlbətdəki,Ulu Öndər Heydər Əliyevin müəyyənləşdirdiyi strategiyaya söykənir.O strategiyanı uğurla həyata keçirən Prezident İlham Əliyev (yuxarıda sadaladıqlarımız) bütün bu nailiyyətlərin əldə olunmasına bir başa rəhbərlik edir. Prezident İlham Əliyev həm ölkə Prezidenti,həm Ali Baş Komandan eyni zamanda Yeni Azərbaycan Partiyasının sədri kimi bütün fəaliyyətini Azərbaycan xalqının istəklərinə,arzularına və onun reallaşmasına yönəldibdir.Biz bugün hərbir Azərbaycan xalqı özünün liderinin ətrafında sıx birləşərək,onun dahada yeni - yeni nailiyyətlər əldə edəcəyinə inanırıq.Çünki bizim İlham Əliyev kimi çox güclü bir Prezidentimiz var.

  • Xöşbəxtəm ki, həm birinci, həm ikinci Qaraba...

    Xöşbəxtəm ki, həm birinci, həm ikinci Qarabağ müharibəsinin iştirakçısı oldum

    2020-11-19

    Biz Azərbaycan Ordusunun əskər və zabitləri, Ali Baş Komandanın əmrinə əsasən “İşğalçıları torpaqlarımızdan iti qovan kimi qovmuşuq” Bu gün hər bir Azərbaycanlı cənab Prezidentin dediyi sözlərə şərikdir: “Xoşbəxtəm ki, biz öz Vətənimizə, doğma Qarabağımıza qayıdırıq, Qarabağımızın tacı olan Şuşaya qayıdırıq və bu torpaqlarda əbədi yaşayacağıq!” Azərbaycan Qalib gəldi. O öz torpaqlarını işğalçı tapdağından azad etdi! Çox xoşbəxtəm ki, mənim də bu Böyük QƏləbədə bir payım var! Ali Baş Komandan, əmrindəyik! Əminik ki, sənin rəhbərliyinlə Azərbaycan hələ çox uğurlara imza atacaqdır! Yaşasın Azərbaycan xalqı! Yaşasın Azərbaycan! Qarabağ Azərbaycandır! Azərbaycan əsgəri Ali Baş Komandanın əmrindədir! Yaşasın Ali Baş Komandan!

  • Qaradağ Rayon İcra hakimiyyəti başçısı qəs...

    Qaradağ Rayon İcra hakimiyyəti başçısı qəsəbə inzibati ərazi vahidlikləri üzrə nümayəndələrinin iştirakı ilə onlayn müşavirə keçirdi

    2020-11-19

    18 noyabr 2020-ci il tarixində Qaradağ Rayon İcra Hakimiyyətinin başçısı Süleyman Mikayılovun sədrliyilə inzibati ərazi dairələri üzrə nümayəndələrin, bələdiyyə sədrlərinin, aidiyyəti idarə, müəssisə və təşkilat rəhbərlərinin iştirakı ilə Azərbaycan hökumətinin koronavirus pandemiyası ilə əlaqədar online müşavirə keçirildi. Müşavirədə rayonda koronavirus pandemiyasına qarşı görülən işlər, xüsusi karantin rejimində məhdudiyyətlər barədə Operativ Qərargahın qərarından irəli gələn məsələlər, yerlərdə vəzifə borclarının icrası və dezinfeksiya işlərinin gedişi müzakirə olundu. Müşavirədə rayonun yaşayış məntəqələrində koronavirus infeksiyasına qarşı təmizlik və dezinfeksiya işlərinin davam etdirilməsi, xüsusi rejimlə əlaqədar saxlanılan tələblərin, xüsusən də sanitar-epidemiloji tədbirlərin icrasına nəzarəti, karantin rejimi dövründə maddi yardıma ehtiyacı olan ailələrə, xüsusi ilə də yaşı 65-dən yuxarı olan tənha şəxslərə dəstək göstərilməsinin nəzarətdə saxlanılması, rayon əhalisinin şəxsi gigenik qaydalara əməl etmələri, eləcə də əlcək və tibbi maskalardan istifadə etmələri barədə maarifləndirmə işlərinin aparılmasına dair tapşırıqlar verildi.

  • Yaşasın Ali Baş Komandan!

    Yaşasın Ali Baş Komandan!

    2020-11-19

    Müharibə başladı, 44 gün ərzində başa çatdı. Və bir müharibənin fərqli nəticələri oldu. Ermənistanda öz xalqından gizlənən Paşinyanı gördüyümüz zaman Azərbaycanda dövlət başçısı İlham Əliyev müzəffər ordu ilə qələbə bayramlaşması üçün Füzuli və Cəbrayıl rayonlarına səfər etdi. “Qarabağ Azərbaycandır və nida” sözlərini deyən Prezident İlham Əliyev Füzuli və Cəbrayıl rayonlarına səfəri ilə həmin nidanı qoymuş oldu. Siyasətdə və cəbhədə, diplomatiyada və hərbi strategiyada üstünlük qazanmış Prezident İlham Əliyev bu zəfərin müəllifidir. Prezidentin 16 noyabr səfəri qalib xalqın qəhrəman Ali Baş Komandanının səfəridir. Bu, tarixi bir səfərdir. Təsadüfi deyil ki, bu gün Azərbaycan xalqı sosial şəbəkələrdə Ali Baş Komandana Milli Qəhrəman adının verilməsini istəyir.

  • “Azərbaycan bütün dünyaya nümayiş etdirdi ...

    “Azərbaycan bütün dünyaya nümayiş etdirdi ki…”

    2020-11-18

    “Müzəffər Ali Baş Komandan cənab İlham Əliyev və Rəşadətli Azərbaycan Ordusu xalqımızın xəyalını reallığa çevirdi. Azərbaycanın ərazi bütövlüyü bərpa edildi. 30 ilə yaxındır düşmən tərəfindən işğal altında saxlanılan doğma torpaqlarımız geri qaytarıldı. Bu tarixi hadisə hər bir azərbaycanlı üçün qürur mənbəyidir və bundan sonra hər birimiz rahatlıqla “Biz qalib xalqın nümayəndəsiyik” söyləyə biləcəyik”.

  • Qaradağ Rayon İcra Hakimiyyətinin başçısı v...

    Qaradağ Rayon İcra Hakimiyyətinin başçısı vətəndaşları video qəbul formatında dinlədi

    2020-11-18

    18 noyabr 2020-ci il tarixində Qaradağ Rayon İcra Hakimiyyəti başçısı Süleyman Mikayılovun rayonun bütün qəsəbə sakinləri ilə növbəti dəfə video-qəbulu keçirilmişdir. Video-qəbul formatında keçirilmiş qəbulda rayon İcra Hakimiyyətinin məsul işçiləri, rayon təsərrüfat sahələrinin rəhbərləri də onlayn iştirak etmişlər.

  • Qarabağ bizimdir, Qarabağ Azərbaycandır !

    Qarabağ bizimdir, Qarabağ Azərbaycandır !

    2020-11-17

    Sentyabrın 27-si Azərbaycan tarixində yeni səhifə açıldı. Ölkəmiz doğma torpaqlarının düşmən tapdağından azad edilməsi üçün əks-həmlə əməliyyatlarına başladı və 44 gün ərzində öz torpaqlarını yağı düşməndən azad etdi. İkinci Vətən müharibəsini yaşadıq. Siyasi meydanda qələbəni hərbi gücümüz təmin etdi. Azərbaycan Ordusu öz sözünü dedi və düşmənə qan uddurdu. Nəhayət, 44 günlük müharibənin yekunu Bəyanatın imzalanması ilə oldu. Cənab Prezident İlham Əliyevin də dediyi kimi Azərbaycan sentyabrın 27-də başlamış İkinci Qarabağ münaqişəsini müvəffəqiyyətlə başa vurdu. Böyük Vətən müharibəsi bizim Böyük Zəfərimizlə başa çatdı.

  • 17 noyabr Milli Dirçəliş Günü

    17 noyabr Milli Dirçəliş Günü

    2020-11-17

    32 ildən sonra Müzəffər Ali Baş Komandanımız və Ordumuz Şuşanı işğaldan azad etdi, Qarabağı Azərbaycana qaytardı. Azərbaycan bütün dünyaya haqlı olduğunu sübut etdi, şərəfli, ləyaqətli döyüşlə öz torpaqlarını azad etdi. 44 günlük müharibə Azərbaycanın necə güclü, peşəkar orduya malik olduğunu, ən müasir texnikalarla XXI əsrin ədalətli müharibəsini apardığını göstərdi. Erməni mifi, yalanları möhtərəm Prezidentimiz tərəfindən alt-üst edildi. Ermənilərin iç üzünü bütün dünya gördü. Onların humanitar müharibə qaydalarını pozaraq mülki əhalini, dinc şəhərlərimizi atəşə tutması, uşaqları, qadınları, qocaları qətl etməsi, dini məbədlərimizi, qəbirlərimizi dağıtması bir daha xislətlərini açdı və heç dəyişmədiklərini göstərdi. Son 200 illik tariximizdə xalqımız ermənilərin belə vandallığının çox şahidi olub, indi isə bəşəriyyət bunu gördü. 32 il öncə müstəqillik üçün ayağa qalxan igidlərimiz eyni ruhla işğal altındakı ərazilərimizi azad etdilər.

  • Vətən gözün aydın!

    Vətən gözün aydın!

    2020-11-16

    Torpaqlarımızın işğalda olması ilə heç vəchlə barışmırdım. 30 ilə yaxın bir müddətdə sanki yeyib-içdiyim haram idi, qəlbimdən qara qanlar axırdı. Döyüşlərin başlanmasını eşidərkən çox həyacanlı idim. İlk qələbə xəbərlərini eşidəndə göz yaşlarımı saxlaya bilmədim. Hər dəfə yeni qələbə xəbərləri, yeni azad olunan torpaq. Ali Baş Komandandan müzəffər ordumuzun qələbə xəbərlərini eşitdikcə inanırdım ki, qələbəmiz çox yaxındadır. Misli görülməmiş taktiki hücumlar öz bəhrəsini verdi! Bu töhmət üzərimizdən götürüldü, əsarət altında olan torpaqlarımız Ali Baş Komandanın başçılığı və ordumuzun müzəffərliyi ilə azad oldu. 1-ci Qarabağ müharibəsinin iştirakçısı kimi Ali Baş Komandana, zabit və əsgərlərimizə təşəkkürümü bildirirəm. Allahdan şəhidlərimizə rəhmət, yaralı əsgərlərimizə şəfa diləyirəm Vətən gözün aydın! Gözün aydın Əziz xalqım! Qarabağ bizimdir! Qarabağ Azərbaycandır!

  • Yaşa çox yaşa, ey şanlı Azərbaycan!!!

    Yaşa çox yaşa, ey şanlı Azərbaycan!!!

    2020-11-16

    28 ildən artıqdır ki, azərbaycanlıların qəlbində daim qanayan yara var idi. Bu yara Qarabağ idi. Atəşkəs olmasına baxmayaraq mütəmadi olaraq bu atəşkəs qarşı tərəfdən pozulurdu. Nəhayət 2016-cı ildə biz torpaqlarımızın kiçik bir parçası da olsa qaytara bildik. Təbii, bu zaman bizim şəhidlərimiz də oldu. Hər birimiz anlayırdıq ki, bu sadəcə başlanğıcdır. Azərbaycanlıların qəhrəman ruhları yenidən dirilməyə başlayırdı sadəcə. Dörd günlük müharibədən dörd il keçdikdən sonra artıq biz tam əminliklə deyə bilərik ki, 30 il əvvəlki vəziyyət tam dəyişdi. Rəşadətli ordumuz düşmənin hiyləsini cavabsız qoymadı, artıq güllələr havaya deyil düşmənə tuşlandı. Biz hərb gücü ilə onlara sübut etdik ki, əgər öz razılıqları ilə çıxmaq istəmirlərsə bu yolu onlara təklif edə bilərik. Çox sevindirici haldır ki, Kəlbəcər, Laçın, Ağdam və s. işğal altında olan torpaqlarımızı qan tökmədən diplomatik üstünlüyümüzdən faydalanaraq ala biləcəyik. Torpaq, uğrunda ölən varsa Vətəndir!

  • Azərbaycanın birliyi onun qələbəsidir

    Azərbaycanın birliyi onun qələbəsidir

    2020-11-15

    44 günlük müharibə Azərbaycanın tam qələbəsi və Ermənistanın kapitulyasiyası ilə nəticələndi: “Bu dövr ərzində 300-ə yaxın kənd, 5 şəhər, 4 qəsəbə, çoxsaylı strateji yüksəkliklər azad olundu. Düşmənin texnikası tam məhv edildi, canlı qüvvəsinə ciddi zərbə vuruldu. Ermənistan ordusu darmadağın edildi, atəşkəs ərəfəsində artıq vahid komandanlığı olmayan, müqavimət qabiliyyətini itirmiş, başıpozuq dəstələri xatırlatdı. Azərbaycan Dağlıq Qarabağın incisi olan Şuşa şəhərini, onun ardıca bir gündə 70-dən artıq kəndi, 8 strateji yüksəkliyi azad etməklə, Ermənistanı diz çökdürdü və kapitulyasiyaya məcbur etdi. Ermənistanın daxilindəki hazırkı biabırçı mənzərə və gərgin vəziyyət, Paşinyana qarşı artan etirazlar, bununla müqayisədə Ali Baş Komandan, Prezident İlham Əliyevin fəxrlə bəyannaməyə imza atması, Azərbaycan xalqının əhval-ruhiyyəsi, bayram sevinci kimin qalib, kimin isə məğlub olduğunu aydın şəkildə nümayiş etdirir”.

  • Daxili həmrəylik milli birlik vahd amal uğrunda...

    Daxili həmrəylik milli birlik vahd amal uğrunda birləşməyimiz

    2020-11-14

    "Biz ölkə daxilində uğurlu siyasət apararaq hesab edirəm ki, ölkəmizdə dünya üçün çox nadir inkişaf modelini yaratdıq. Daxildəki həmrəylik, milli birlik, vahid amal uğrunda birləşməyimiz bizə əlavə güc verdi, imkan vermədi ki, bəzi mənfur xarici dairələr öz çirkin planlarını Azərbaycanda həyata keçirsinlər. Halbuki, belə planlar var idi, belə cəhdlər var idi". Bu sözləri Prezident, Müzəffər Ali Baş Komandan İlham Əliyev Şəhidlər xiyabanından xalqa etdiyi müraciətdə deyib. Bildirib ki, biz siyasi iradə göstərərək, birlik göstərərək bu cəhdləri dəf etdik, xalq olaraq, millət olaraq öz qürurumuzu müdafiə etdik, öz müstəqil seçimimizi müdafiə etdik və sübut etdik ki, heç kim bizim işimizə qarışa bilməz. Əgər bu birlik olmasaydı, milli həmrəylik olmasaydı, biz heç vaxt torpaqlarımızı işğalçılardan azad edə bilməzdik. Bu illər ərzində bizə qarşı aparılan qara piar kampaniyası, qarayaxma, şər-böhtan kampaniyasının da əsas məqsədi o idi ki, bizi əsas vəzifəmizdən uzaqlaşdırsınlar, biz uzaqlaşaq, daxili problemlər içində boğulaq və işğal edilmiş torpaqlar işğalçıların əlində əbədi qalsın. Güclü siyasi iradə, xalq-iqtidar birliyi bu planları da alt-üst etdi.